A base económica do concello de Negueira de Muñiz é fundamentalmente a gandería e a explotación madeireira, xa que a superficie dedicada á agricultura é moi escasa e de orientación ao autoconsumo.

Das 8.000 Ha coas que conta o municipio, 87,5 % da superficie total corresponde a monte, o que evidencia non xa a reducida superficie agrícola, senón a clara orientación forestal deste termo. A gandería oriéntase cara á produción cárnica. A cabana de porcino duplica en número ás cabezas de bovino e supera vinte veces á de ovino.